Biabırçılıq - Ambulansla bazarlığa gedirlər - VİDEO

Ağdaş rayonunda qəribə və bir o qədər də təəssüfləndirici olay yaşanıb. Ölkə.az-ın verdiyi məlumata görə, Ağdaşda vəzifədən sui-istifadə edərək təcili tibbi yardım maşınları şəxsi məqsədlər üçün işlədilir. Ağdaş rayon Təcili Təxirəsalınmaz Tibbi Yardım Stansiyasına məxsus maşınla bazara gələrək alış-veriş ediblər. Bir sözlə təcili tibbi yardım avtomobillərinin əksəriyyəti iş saatından sonra şəxsi məqsədlər üçün istifadə olunur. Sürücülər isə özlərini haqlı göstərərək "maşınların baxım işlərini, əlavə xərclərini özümüz həll edirik və bu haqqımızdır bizim"- deyirlər.

Müxbirimiz məsələ ilə bağlı Ağdaş rayon Təcili Təxirəsalınmaz Tibbi Yardım Stansiyasının baş həkimi Nuru müəllimlə əlaqə saxlayıb: "Lazımı tədbirlər görüləcək. Həmin şəxslər isə cəzalandırılacaq. Bundan tam əmin ola bilərsiniz".