Bu "Niva"ya əlavə avadanlıq qoşulmayıb, avadanlığa "Niva" qoşulub -  VİDEO

Bakıda əlavə avadanlıqlar qoşulmuş "Niva"nın görüntüləri yayılıb. Avtosfer.az xəbər verir ki, 99-XX-107 dövlət nömrə nişanlı minik avtomobilinə qəza işıqlarının əvəzinə sayrışan ksenonlar qoyulub. Avtomobil liftli pnevma qurğusu ilə təchiz edilib, qalxıb-enir. Maşının yük yeri isə "qazan" səsgücləndirilərdən ibarətdir.

Qeyd edək ki, qanunla avtomobilə əlavə avadanlıqların qoyulması inzibati məsuliyyət yaradır, avtomobil saxlanılaraq cərimə meydançasına aparılır, quraşdırılmış avadanlıqlar söküldükdən və cərimə ödənildikdən sonra buraxılır.

Dünən həmin avtomobilin sürücüsü DYP-yə dəvət olunub və "Niva"ya baxış keçirilib. Avtosfer.az-ın da əməkdaşı həmin prosesdə iştirak edib. Məlum olub ki, avtomobildəki avadanlıqlar əvvəlki sahibi tərəfindən quraşdırılıb. Hazırda isə "Niva" ilkin vəziyyətindədir. Sürücü bildirib ki, avtomobili alarkən üzərində heç bir avadanlıq olmayıb. Yayılan video isə 6 ay əvvəl qarajda çəkilib.

Fuad