Cəriməni gecikdirən sürücülərə qarşı reyd keçirildi - FOTO

Şəkidə inzibati xəta törətdiyi üçün cərimə olunmuş, lakin cərimə ödənişini gecikdirmiş sürücülərə qarşı reyd keçirilib. Avtosfer.az-ın "Report"a istinadən məlumatına görə, 3 saat ərzində keçirilən reyd zamanı 100-ə yaxın avtonəqliyyat vasitəsi saxlanılıb, qayda pozan 30-a yaxın sürücü isə İnzibati Xətalar Məcəlləsinə müvafiq olaraq cərimələnib. Reyd zamanı digər qaydaları pozan sürücülər də inzibati qaydada cərimə olunub, iki sürücünün avtomobili cərimə meydançasına aparılıb.

Şəki DYPB-dən verilən məlumata görə, cərimələri ödəməyən sürücülərə qarşı bu cür reydlər davam etdiriləcək.