Formula 1-lə bağlı İçərişəhərdə tədbirlər keçiriləcək - VİDEO
Avtoreyd 9 İyun 2016 12:27 Oxunub 894
Formula 1-lə bağlı İçərişəhərdə tədbirlər keçiriləcək - VİDEO
Tədbirlərdə Dövlət Nəfəs Alətləri Orkestri, estrada və vokal orkestrləri, xalq rəqsləri qrupları iştirak edəcək

Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi iyunun 17-dən 19-dək Bakıda keçiriləcək Formula 1 Avropa Qran Pri yarışları ərəfəsində İçərişəhərdə “İçərişəhər Formula 1-in gözü ilə” və “Meydan Bazarı” adlı tədbir keçirəcək.

Avtosfer.az xəbər verir ki, bu barədə "Report"a “İçərişəhər” Dövlət Tarix-Memarlıq Qoruğu İdarəsindən məlumat verilib.

Tədbir İçərişəhərdə, Qoşa Qala qapısı qarşısındakı meydanda iyunun 11, 12, 18, 19, 25 və 26-da təşkil olunacaq.

“Meydan Bazarında” Azərbaycanda mövcud olan çoxsaylı sənət sahələrinə aid milli-tətbiqi sənət məhsulları və suvenirlərin, o cümlədən rəsm əsərlərinin, “İçərişəhər” Ənənəvi İncəsənət Mərkəzində hazırlanan zərgərlik, batika, keramika və taxtaoyma sənəti nümunələrinin, eləcə də zəngin milli mətbəxin sərgi-satışı təşkil olunacaq.

Rəngarəng konsert proqramında mahir ifaçıların çıxışında musiqi əsərləri, müasir estrada və caz musiqisi səsləndiriləcək, Dövlət Nəfəs Alətləri Orkestri, estrada və vokal orkestrləri, xalq rəqsləri qrupları iştirak edəcək.

ŞƏRH YAZ
Ad

E-mail

Şərh