Keşiş sürücünü xaçla döydü - VİDEO

Dünən Rusiyanın Novosibirsk şəhərindəki "Qalereya Novosibirsk" ticarət mərkəzinin yaxınlığında qalmaqal baş verib. Yerli sahibkar Vadim Malsev "Toyota" avtomobili ilə dayanacağa gedə bilməyib. Onun qarşısını "Nissan" kəsib. Milli.az Uralİnform-a istinadən bildirir ki, V.Malsev "Nissan"ın sürücüsündən yol verməsini istəyəndə mübahisə başlayıb. Opponentini yerindən tərpənməyə vadar etmək üçün Malsev yivaçanı çıxarıb və "Nissan"ın təkərini deşəcəyini deyib. Buna cavab olaraq "Nissan"ın sürücüsü söyüş söyməyə başlayıb. Az sonra isə "Nissan"ın arxa oturacağından keşiş çıxıb və "Toyota"nın sürücüsünü xaçla vurmağa başlayıb.

Hadisə yerinə gələn polis dalaşanları ayırıb. Davaya qatılan keşişin Novosibirsk yeparxiyasının sabiq iqumeni Feodosi (Aleksandr Çerneykin) olduğu aşkarlanıb. 

Ona keşiş paltarı geyinmək və keşiş xaçı daşımaq yasaqlansa da, Feodosi bu yasaqlara əhəmiyət vermir.