Motosiklet sürücüləri arasında qayda pozanlar çoxalır - VİDEO

Bir neçə gün əvvəl Avtosfer.az-da motosiklet sürücüsünün qırmızı işıqdan keçmək istəyərkən iki piyadanı vurmasını əks etdirən video yaymışdıq. Həmin videodan sonra motosiklet sürücülərinin yol hərəkəti qaydalarını kobud şəkildə pozması məsələsi yenidən gündəmə gəlib. Məlum olub ki, bəzi motosklet sürücüləri təkcə işıqforun qırmızı işığından keçməklə yox, digər təhlükəli hərəkətlər etməklə də qayda pozurlar. Bakı şəhər Dövlət Yol Polisi İdarəsinin bölmə rəisi Vaqif Əsədov Avtosfer.az-a bildirib ki, mühərriki 50 kub-sm-dən çox olan həmin nəqliyyat vasitəsinə dövlət nömrə nişanı verilir. Belə sürücülərin qayda pozuntusu dərhal kameralara düşür və onlar barəsində müvafiq qaydada tədbirlər görülür.

Qeyd edək ki, ilin əvvəlindən bu günə qədər paytaxtda motosikletçilərin iştirakı ilə 4 yol-nəqliyyat hadisəsi baş verib.

Emin