Nişan var, zolaq yox - VİDEO

Piyadaların keçməsi üçün yolda nişan var, amma bu nişan həm piyadalar, həm də sürücülər üçün təhlükəlidir. Paytaxtın bir neçə böyük küçə və prospektində piyadaların keçməsi üçün nişan olsada asfalt üzərində zolaq yoxdu. Buna görə də, sürətlə şütüyən avtomobillərin arasından qaçaraq yolu keçirlər. Piyadaların keçməsi üçün əraziyə nişan qoyulusa da asfalt üzərində zolağın olmaması çaşqınlığa səbəb olub.

Görüntülər paytaxtın Babək prospektində lentə alınıb. Piyadalar hər gün yolu əzab əziyyətlə keçidklərini deyirlər. Çünki, bir çox sürücü nişana məhəl qoymur.Yerdəki zolağın olmaması səbəbindən piyadalar yolu keçməkdə çətinlik çəkirlər.

Bənzər mənzərə təkcə Babək prospektində yox, Nizami rayonu Qara Qarayev prospektində də var. Metronun ''Qara Qarayev'' stansiyasından üzü ''Neftçilər'' metrosu istiqamətində yol boyu bir neçə yerdə piyadaların keçidini bildirən nişan var. Amma zolaq ya silinib, yadakı ümumiyyətlə olmayıb.

Yaranmış vəziyyət sürücüləri də narahat edir. Onlar belə mənzərə ilə qarşılaşanda çaş-baş qaldıqlarını deyirlər.

Məsələ ilə bağlı Bakı Şəhər Dövlət Yol Polisi İdarəsinin bölmə rəisi Vaqif Əsədovun sözlərinə görə, yaz-yay mövsümü ilə əlaqədar yaxın günlərdə həmin yerlərdə yeni piyada zolaqları çəkiləcək. Bununla bağlı Bakı Şəhər İcra Hakimiyyətinə və ''Azəravtoyol'' Açıq Səhimdar Cəmiyyətinə müraciət edilib.