Ordumuzun yeni möhtəşəm haubitsasının özəllikləri – VİDEO

Bu gün Müdafiə nazirinin təsdiq etdiyi hazırlıq planına əsasən Raket və Artilleriya Qoşunlarının təlimləri başlayıb. Rusiyadan alınaraq ölkəmizə gətirilən və qoşunların silahlanmasına yeni daxil olan Msta-S özüyeriyən haubitsalarının da praktiki istifadəsi şəxsi heyət tərəfindən həyata keçirilir. "Msta-S" haubitsasının ilkin variantı 1971-ci ildə yaradılıb. SSRİ-nin NATO-nun M-109 haubistsasına analoq olaraq yaratdığı 152 mm-lik bu silah “Akasiya” adlanıb. 1980-ci illərin əvvələrində üzərində aparılan təkmilləşdirilmədən sonra özüyeriyən haubitsa Msta-S adını alıb. 1989-cu ildə yeni özüyeriyən haubitsa 2S19 Msta-S mexanikləşdirilmiş piyada və Sovet ordusunun zirehli bölmələrinin artilleriya alayı tərəfindən arsenala qəbul edilib. 1992-ci ildə ilk dəfə Rusiyanın Jukovski şəhərində aviasalonda nümayiş olunub. Msta-S düşmənin istehkam və ehtiyatlarını, eləcə də taktiki nüvə silahları, artilleriya və minaatan batareyalar, tank və digər zirehli texnikaları məhv etmək üçün nəzərdə tutulub. Eyni zamanda, havadan və raketdən müdafiə, komando və nəzarət mərkəzlərini hədəf almaq imkanına malikdir. Haubitsanın zirehi ən yüksək keyfiyyətə malik poladdan hazırlanıb. Əlahiddə idarəetmə sistemi əsasında hazırlanmış Msta-S heyəti 4, yaxud 5 nəfərdən ibarət olur. Modern texnikanın özəlliklərindən biri də yayınan obyektləri açıq şəkildə hədəfə çevirmək qabiliyyətinin olmasıdır. Göstəricilərə əsasən, Msta-S-in hədəf alma imkanları 3 yerə bölünür: 2c3 rejimində 17.4, 2C19 rejimində 24.7 və 2C33 rejimində 30 km-dən uzaq hədəfləri vurmaq gücünə malikdir. Bundan əlavə, haubitsalar şossedə saatda 60 km sürətlə irəliləyə bilir. Bu silahdan Azərbaycandan başqa Belarusiya (12 ədəd), Venesuela (48 ədəd), Gürcüstan (1 ədəd), Rusiya (612 ədəd), Ukrayna (35 ədəd) və Efiopiya ordusunda var.

axar.az