Polisin cərimə yazdığı qız anasına zəng etdi - VİDEO

Piyadalar üçün nəzərdə tutulmayan yerdən keçən xanım polisə tabe olmaq istəməyib. Gənc qız dərhal anasına zəng edib. Bir müddət bu şəkildə müqavimət göstərsə də sonda polisin cəriməsindən qaça bilməyib. Görüntülər günorta saatlarında paytaxtın Nəsimi rayonu Azadlıq prospektində lentə alınıb. Metronun ''28 may'' stansiyası yaxınlığındakı ticarət mərkəzindən çıxan piyadalar yolda nəqliyyatın hərəkətinə mane olduğundan bir müddət əvvəl bura işıqfor qurulub. Daha da maraqlısı işıqforun müvafiq göstəriciləri həm də səsli şəkildə elan olunur, piyadalara 'keçin" ya da ''gözləyin'' xəbərdarlığı edilir. 

Amma görünən odur ki, bir çoxları işıqfora məhəl qoymur, avtomobillərin intensiv hərəkət etdiyi yoldan keçməyə can atırlar.

Ərazidə xidmət aparan polislərin sözlərinə görə gün ərizində burda 120-150 piyada barəsində pratakol tərtib edilir. Onlar "Yol hərəkəti haqqında" Qanunun 40-cı maddəsinin tələbini pozduqları üçün İnzibati Xətalar Məcəlləsinin 153-cü maddəsinin tələbinə uyğun 20 manat cərimə olunurlar. 

Bakı şəhər Dövlət Yol polis idarəsinin bölmə rəisi Vaqif Əsədovun verdiyi məlumata görə ilin əvvəlindən aprel ayının sonuna qədər 371 min piyada qanunsuz yerdən keçdiyinə görə cərimə olunub.