Şəhərin ortasında amansız təqib -  VİDEO

Şəhərin ortasında avtomobillə siçan-pişik oyunu  oynadılar. Avtosfer.az atv.az-a istinadən xəbər verir ki, İtaliyanın Breşşia şəhərində lentə alınan bu kadrlar ölkədə ciddi müzakirələrə səbəb olub. Qəzəblənmiş  sürücünün  başqa bir sürücünü yaxalamaq üçün onun arxasınca düşməsi ortaya qəribə mənzərə çıxarıb.

Müşahidə kameralarından anbaan lentə alınan kadrlardan görünür ki,  arxadakı avtomobilin sürücüsü hətta döngələrdə qəza şəraiti yaradır və maşınını öndəki avtomobilə çırpmaqdan belə çəkinmir.

Ən dəhşətlisi odur ki,  şəhərin mərkəzi küçəsində  baş verən hadisə zamanı  öndəki avtomobildə  2 və 4 yaşlı uşaqlar da olub. Təəssüf ki, polislər hadisə yerinə vaxtında çata biləyib. Uşaqlar çoxsaylı toqquşmada ciddi psixoloji travma alıblar.

Toyota markalı avtomobilin 42 yaşlı sürücüsü  nəzarətə götürülərək polis məntəqəsinə aparılıb. Orda məlum olub ki,  öz həmvətəninə əsəbiləşən və onu cəzalandırmağa çalışan sürücüsü spirtli içki və narkotik maddənin təsiri altında olub.