Sükan arxasında yuxuladı - Maşın uçdu – VİDEO

Rumıniyada olduqca qəribə yol-nəqliyyat hadisəsi baş verib. Avtosfer.az xəbər verir ki, sükan arxasında yuxulayan sürücü yüksək sürətlə dairəvi yola daxil olub və hərəkətini elə düz istiqamətdə də davam etdirib. Dairədəki beton arakəsməyə çırpılan avtomobil bir neçə metr havaya qalxdıqdan sonra təkərləri üstə yerə düşüb. Qəzadan dərhal sonra ayılan sürücü heç bir xəsarət almadan canını qurtara bilib. Nə baş verdiyini anlamayan sürücü maşından düşərək, ətrafa boylanıb. O əvvəlcə hansısa maşınla toqquşduğunu düşünüb. Lakin ətrafında başqa bir avtomobil görməyincə, olanları anlamağa çalışıb. Az sonra köməyə gələn ətrafdakı insanlar ona hadisəni dəqiqliyinə qədər təsvir ediblər. Sağ qaldığına görə sevinən sürücü maşının sıradan çıxmasına görə üzüldüyünü gizlətməyib.