Avtosfer.az | Reklam
Sumqayıtda reydlər davam edir - FOTO/VİDEO
Avtoreyd 11 Avqust 2017 23:46 Oxunub 2387
Sumqayıtda reydlər davam edir - FOTO/VİDEO
Protokol tərtib edilən sürücülərdən 20-si kobud qayda pozuntusuna yol verib

Bu gün Sumqayıt şəhər polis idarəsinin dövlət yol polisi xidmətinin əməkdaşları şəhər ərazisində reyd keçiriblər. Reyd zamanı müxtəlif qayda pozuntularına yol verən, eləcə də təyin olunmuş cərimələri və elektron protokollar üzrə ödəmələri etməyən sürücülər saxlanılıb. 

Avtosfer.az xəbər verir ki, reyd zamanı sürücülük vəsiqəsi və müvafiq kateqoriyası olmadan avtomobil idarə edən, qanunsuz olaraq sərnişin daşıyan, təhlükəsizlik kəmərindən istifadə etməyən, avtomobildə konstruksiya dəyişikliyi edən, qaydalara uyğun olmayan pərdə və plyonkalardan istifadə edən sürücülər aşkar edilib. 

Ümumilikdə reyd zamanı 100-dən çox sürücü saxlanılıb. Onlardan 70-ə yaxını barəsində müvafiq qaydada protokol tərtib edilib. Protokol tərtib edilən sürücülərdən 20-si kobud qayda pozuntusuna yol verib. Daha 20 sürücünün avotomobili hərəkətdən uzaqlaşdırılaraq cərimə meydançasına aparılıb. 

Həmçinin sürücülər arasında müxtəlif proflaktik söhbətlər aparılıb. Onlar qanunun tələblərinə riyaət etməyə və qaydaları pozmamağa çağrılıb.

Qeyd edək ki, bu cür reydlər mütamadi olaraq keçirilir və bundan sonra da davam edəcəkdir.

Avtosfer.az reyddən foto və videoları təqdim edir:

 

Orxan

 

FOTO QALEREYA
ŞƏRH YAZ
Ad

E-mail

Şərh