Ünvana bildiriş gəlmir, amma maşın cərimə meydançasına aparılır - VİDEO

Sürücülər yol polisindən şikayətçidir. Səbəb yaşayış ünvanına qayda pozuntusu ilə bağlı protokolun gəlməməsinə rəğmən avtomobilin polislər tərəfindən zorla cərimə meydançasına aparılması, ya da buna cəhd edilməsidir. Qanunvericiliyə görə, xüsusi texnki vasitələrin köməyi ilə qayda pozuntusu qeydə alınıbsa, bu haqda sürücünün ünvanına məktub göndərilməldir. Bəzi hallarda məktub müəyyən səbəblərdən ünvana çatdırılmaya bilər. Yəni ünvanda kimsə olmaya bilər. Avtomobilin hansı halda cərimə meydançasına aparılması da qanunvericilikdə açıq aydın göstərilib. Qanunvericiliyin şərhindən belə aydın olur ki, yol polisi əməkdaşları ünvana məktub gəlmədən avtomobili cərimə meydançasına aparmaları, eləcə də buna cəhd etmələri tam qanunsuzdur. Birmənalı olaraq, protokolun kağız daşıyıcıda sürücüyə şəxsən ya da yetkinlik yaşına çatmış ailə üzvlərindən birinə çatdırılması şərtdir.

Bu zaman sual yaranır ki, yol hərəkəti qaydalarına əməl edilməsinə nəzarət etməli olan yol polisləri niyə qanunsuz yollara əl atırlar. Görünən odur ki, yol polisləri ya özlərini cəzasızlıq mühitində hiss edirlər, ya da düşünürlər ki, səlahiyyət varsa hər qanunsuzluğu etmək olar.