Avtobuslarla minik avtomobilləri bu nöqtədə tez-tez toqquşur - Səbəb bu imiş - VİDEO

Paytaxtın Azadlıq prospektində hərəkətin təşkilində olan problemlər qəzalara səbəb olur. Bu barədə sürücülərdən biri redaksiyamızın qaynar xəttinə müraciət ünvanlayıb. Onun sözlərinə görə, binanın həyətindən prospektə çıxan sürücülər avtobuslarla toqquşurlar. Bunun isə bir neçə səbəbi var. Əsas səbəblərdən biri yolun kənarında yerləşən ağaclardır. Həmin ağacalar həyətdən çıxan sürücülərin görünüşünü məhdudlaşdırır və yaxınlaşmaqda olan avtobusları görünməz edir. Bu səbəbdən sürücülər məcburi şəkildə avtobus zolağına tam şəkildə çıxmalı olurlar. Belə olan halda isə qəza qaçılmaz olur.

Avtosfer.az xəbər verir ki, hadisələrin qarşısını almaq üçün hərəkətin təşkilinə yenidən baxılmalıdır. Belə ki, həm görünüşü məhdudlaşdıran ağaclar budanmalı, həm də təhlükəsizliyi təmin etmək üçün sürücülərin avtobus zolağına dönməklə yola çıxmasına icazə verilməlidir. İndiki halda avtobus zolağına dönmək qadağan edildiyi üçün sürücülər birbaşa ikinci zolağa dönməli olurlar.

Ümid edirik ki, tez bir zamanda ərazi müayinə ediləcək və sürücülərə təhlükə yaradan məsələlər öz həllini tapacaq.

Fərid