Bu yol yenidən açılsa Xırdalan və Sulutəpə dairəsinin yükü azalacaq - VİDEO

Xırdalan şəhər sakinləri aidiyyəti qurumlara səslənərək bağlanmış yolun açılmasını xahiş edir.
Avtosfer.az xəbər verir ki, Xırdalan şəhəri Həsən Əliyev küçəsindən ("Azbentonit yolu" kimi tanınan yerdən) dəmiryol keçidini keçməklə Bakı-Şamaxı yoluna rahat şəkildə daxil olmaq olurdu. Amma sonradan həmin keçid ləğv olunduğu üçün daha o yoldan istifadə etmək olmur. Bakı-Şamaxı yoluna getmək üçün mütləq şəkildə Xırdalan və Sulutəpə dairəsindən istifadə etmək lazım olur. Bu isə yolun yükünü daha da artırır. 
Lakin qeyd etdiyimiz küçədə dəmiryol keçidi bərpa olunarsa Xırdalan şəhərindən keçən sürüclər rahat şəkildə Bakı-Şamaxı yoluna qoşula bilərlər. Belə olan halda isə Xırdalan və Sulutəpə dairsəinin yükü xeyli azalmış olar.

Təbriz Yusubov