Dava zamanı yola yıxılan şəxsi mikroavtobus vurub öldürdü - VİDEO

İki qrup arasında yaşanan dava zamanı müvazinətini itirərək yolun hərəkət hissəsinə yıxılan şəxsi mikroavtobus vurub.

Avtosfer.az xəbər verir ki, Türkiyənin Mardin şəhərində baş verən hadisənin görüntüləri bir mağazanın təhlükəsizlik kamerası tərəfindən qeydə alınıb.

Belə ki, şəhərin Midyat rayonunda bir iş yerinin qarşısında iki qrup arasında baş verən mübahisə qısa müddət ərzində bıçaqlı davaya çevrilib. Bir-birləri ilə süpürləşən tərəflərdən Faruk A. müvazinətini itirərək yolun hərəkət hissəsinə yıxılıb və onu mikroavtobus vurub. Ətrafdakı vətəndaşların çağırışı ilə hadisə yerinə  112 Təcili Tibbi Yardım və polis əməkdaşları gəlib. Faruk A.-ya ilkin tibbi yardım göstərildikdən sonra xəstəxanaya aparılıb, lakin edilən bütün müdaxilələrə baxmayaraq Faruk A.-nı xilas etmək mümkün olmayıb. Hadisə ilə bağlı araşdırmalara başlanılıb.

Sözügedən hadisənin videosunu təqdim edirik:

Namiq Musayev