Ödənişli yolda milyonluq maşınlar yarışa çıxdı; “Ferrari” qəzaya düşdü - VİDEO

Ödənişli yolda yarışa çıxan bahalı avtomobillərdən biri qəzaya düşüb. Avtosfer.az xəbər verir ki, hadisə Rusiyada baş verib.

Məlumata görə, Kazan-Yekaterinburq avtomobil yolunun ödənişli hissəsində “Ferrari 296 GTB”, “Porsche” və “Lamborghini” markalı idman avtomobillərinin sürücüləri yarışa çıxıblar.

Yağışlı havada yüksək sürətlə idarə olunan avtomobillərdən biri - “Ferrari”  idarəetmədən çıxaraq dəmir arakəsmələrə çırpılıb. Zərbənin şiddətindən “Ferrari”nin ön tərəfi hissələrə ayrılaraq ətrafa dağılıb.

Ölən və ya xəsarət alanların olmadığı bildirilir.

Qeyd edək ki, İtalyan idman avtomobilinin qiyməti Rusiyada 23-36 milyon (465,374 – 730,750 manat) rubl arasında dəyişir.

Namiq Musayev