Qaranlıq yolda avtomobillərin üzərinə sürüb ölüm təhlükəsi yaratdılar - VİDEO

Paytaxtın Yasamal rayonu, Kənar dairəvi yolda kobud qayda pozuntusuna yol verən sürücülər digər hərəkət iştirakçıları üçün ciddi qəza təhlükəsi yaradıblar.

Bu barədə Avtosfer.az-a izləyicilərdən biri məlumat verib. Bildirilib ki, hadisə mayın 13-də saat 03:01 radələrində qeydə alınıb. Videogörüntülərdə iki avtomobilin gecə saatlarında əks istiqamətli hərəkət zolağına çıxaraq axına qarşı hərəkət etdiyi əks olunub.

Kadrlardan aydın olur ki, qayda pozuntusu nəticəsində qarşıdan gələn nəqliyyat vasitələri üçün qəza şəraiti yaranıb. Hadisə şahidinin sözlərinə görə, o, son anda manevr edərək toqquşmadan yayına bilib. Onun iddiasına əsasən, vaxtında reaksiya verilməsəydi, ağır yol-nəqliyyat hadisəsi baş verə bilərdi.

Nərmin