Qayda pozan kuryer və piyada sürücüləri təhlükə anlar yaşatdı - VİDEO

Bakının Nərimanov rayonunda qayda pozan motosiklet sürücüsü və piyada görüntülənib.

Avtosfer.az-ın məlumatına görə, hadisə aprelin 10-da müxtəlif saatlarda Fətəli xan Xoyski küçəsində qeydə alınıb. Kadrdan da göründüyü kimi, “Wolt” çatdırılma şirkətinin işçisi qoşa xəttin tələbini pozaraq əks istiqamətli yola çıxıb. Axına qarşı hərəkət edən moto kuryer həm özünü, həm də qarşıdan gələn nəqliyyat vasitələrini təhlükəyə atıb. Digər kadrda isə piyadanın yolu təyin olunmamış yerdən keçdiyi əks olunub. Belə ki, o, hərəkətdə olan avtomobillərə əhəmiyyət vermədən əksinə yolun digər tərəfinə keçib.

Qeyd edək ki, yaxınlıqda bir neçə yeraltı piyada keçidi mövcuddur. 

Nərmin