Qırmızıdan keçən 15 yaşlı sürücü ağır qəza törətdi - VİDEO

Qırmızıdan keçən 15 yaşlı bayker ağır qəza törədib. Avtosfer.az Rusiyanın Krasnodar şəhərində axşam saatlarında baş verən hadisə müşahidə kamerası tərəfindən qeydə alınıb.

Belə ki, motosikletin sükanı arxasında olan 15 yaşlı yeniyetmə svetoforun qırmızı işığına məhəl qoymayaraq yolayrıcına daxil olub və sürətlə hərəkətdə olan avtomobillə toqquşub.

Zərbənin təsirindən motosikletçi və onun 65 yaşlı sərnişini metrlərlə havada uçaraq asfalta çırpılıblar.

Qəza nəticəsində 65 yaşlı sərnişin aldığı xəsarətlərdən hadisə yerində ölüb. 15 yaşlı sürücü müxtəlif dərəcəli bədən xəsarətləri alaraq xəstəxanaya yerləşdirilib. Faktla bağlı araşdırma aparılır.

Sözügedən hadisənin anbaan videosunu təqdim edirik:

Namiq Musayev