Sərxoş sürücü ananı və uşaq arabasında olan körpəsini vurdu - VİDEO

Sərxoş sürücü idarə etdiyi avtomobillə ananı və uşaq arabasında olan körpəsini vurub. Avtosfer.az xəbər verir ki, Rusiyanın Krasnoyarsk diyarında baş verən hadisənin görüntüləri kameraya düşüb. 
Məlumata görə, Verxnepaşino kəndinin 34 yaşlı sakini idarə etdiyi “Honda Fit” markalı avtomobillə hərəkətdə olarkən idarəetməni itirib. Bu zaman o, yol kənarı ilə gedən qadını və içərisində üç aylıq körpəsi olan uşaq arabasını vurub. Qəza nəticəsində 3 aylıq oğlan uşağı ağır bədən xəsarətləri ilə xəstəxanaya yerləşdirilib, qadının özünə isə heç nə olmayıb.
Hadisə yerinə gələn polis əməkdaşlarının apardığı yoxlama zamanı hadisənin törədən şəxsin sürücülük vəsiqəsinin olmadığı və sükan arxasında sərxoş olduğu müəyyən edilib. 34 yaşlı sürücü barəsində cinayət işi açılıb. 
Sözügedən hadisənin videosunu təqdim edirik:

Namiq Musayev