Sürücü evakuatorun işıqlarının yandırılmasına üsyan etdi: “Bunu gərək adam özü başa düşə” - VİDEO

Paytaxtda evakuator sürücüsünün hərəkəti digər yol istifadəçilərinin haqlı narazılığına səbəb olub. 

Avtosfer.az xəbər verir ki, evakuatorun arxasında heç bir yük olmadığı halda yanıb-sönən işıqlarını açıq saxlaması arxadan gələn sürücüləri çaşdırıb və yolda narahatlıq yaradıb.

Şahidlərin sözlərinə görə, evakuator sürücüsünün işıqları yolda hərəkət edənlərin gözünə düşərək onların diqqətini yayındırıb, bu isə qəza şəraitinə səbəb ola biləcək təhlükəli vəziyyət yaradıb. Qaydalarla yalnız xüsusi vəziyyətlərdə və yük daşıdığı halda istifadə edilməli olan siqnal işıqlarının səbəbsiz yerə yandırılması sürücülər tərəfindən “öz işindən sui-istifadə” kimi qiymətləndirilib.

Mütəxəssislər bildirirlər ki, bu cür məsuliyyətsiz davranış digər hərəkət iştirakçılarının çaşqınlıq keçirməsinə, sürət və məsafə rejiminin pozulmasına, nəticə etibarilə qəzaların baş verməsinə yol aça bilər. Qanunvericiliyə əsasən, xüsusi işıq siqnallarından yalnız zəruri hallarda istifadə olunmalı və bu, digər hərəkət iştirakçılarının təhlükəsizliyini təhdid etməməlidir.

Eltac Zülfüqaroğlu