Xanım sürücü motosikletə yol vermədi; 160-la gedən bayker öldü - FOTO - VİDEO

Qayda pozan xanım sürücü ağır yol-nəqliyyat hadisəsi törədib. Avtosfer.az xəbər verir ki, Rusiyanın Sankt-Peterburq şəhərində “Kia” markalı avtomobili idarə edən 26 yaşlı xanım sürücü manevr edərkən qarşıdan gələn motosikletə yol verməyib. Nəticədə toqquşma baş verib. Ağır xəsarətlər alan 27 yaşlı bayker dünyasını dəyişib. Avtomobilin sürücüsü isə orta ağır dərəcəli xəsarətlərlə xəstəxanaya yerləşdirilib.
Şahidlərin sözlərinə görə, zərbədən əvvəl motosiklet həddindən artıq yüksək sürətlə hərəkət edirmiş. Qəzadan sonra motosikletin spidometrinin əqrəbinin 160 km/saat sürətdə donub qaldığı iddia olunur.
Faktla bağlı araşdırma aparılır.
Sözügedən hadisənin anbaan görüntülərini təqdim edirik:

Namiq Musayev