Yol polisi əməkdaşı ilə motosikletçi arasında İNSİDENT - VİDEO

Yol polisi əməkdaşı ilə motosikletçi arasında baş verən hadisə sosial şəbəkələrdə geniş rezonans doğurub. Avtosfer.az xəbər verir ki, Rusiyanın Vladimir şəhərində dəbilqə kamerası tərəfindən qeydə alının videodan görünür ki, hüquq-mühafizə orqanı əməkdaşı sürətlə gələn motosikletçini saxlamağa çalışır. Sürücü tabesizlik göstərərək sürəti azaltmadıqda isə polis inspektoru gözlənilməz addım atıb – o, əlindəki jezli (rezin dəyənəyi) birbaşa hərəkətdə olan motosikletçinin baş nahiyəsinə doğru qaldıraraq zərbə endirməyə cəhd edib.

Motosikletçi son anda çevik manevr edərək zərbədən yayına bilib. Hadisə yerindən uzaqlaşarkən isə o, polis əməkdaşına qarşı qeyri-etik jest (orta barmaq) nümayiş etdirib.

Hadisənin görüntüləri qısa müddətdə internetdə trendə çevrilib və kəskin müzakirələrə səbəb olub.

Sözügedən insidentin kadrlarını təqdim edirik:

Namiq Musayev