10 mərtəbəli binada yanğın: 3 ölü, 15 yaralı

İspaniyanın Kataloniya əyalətinin Badalona şəhərində yaşayış binasında baş verən yanğın nəticəsində 3 nəfər ölüb, 15 nəfər yaralanıb. Avtosfer.az “Report”a istinadən xəbər verir ki, məlumatı “Efe” agentliyi yayıb. Bildirilib ki, yanğın 10 mərtəbəli yaşayış binasında baş verib. Yaralılardan biri uşaqdır. Onun vəziyyətinin ağır olduğu bildirilib. Yanğın zamanı təhlükəsizlik məqsədi ilə qonşu binanın sakinləri də köçürülüblər.