15-i uşaq olmaqla 44 nəfər xilas edildi - NAZİRLİKDƏN VACİB AÇIQLAMA

Azərbaycan Respublikasının Fövqəladə Hallar Nazirliyinin (FHN) qüvvələri ötən həftə ərzində 469 yanğına çıxış edib.

Bu barədə Avtosfer.az-a FHN-dən məlumat verilib.

Bildirilib ki, “112” qaynar telefon xəttinə daxil olan zənglər əsasında 29 köməksiz vəziyyətdə qalma, 3 avtonəqliyyat qəzası və 1 partlayış faktı üzrə də qəza-xilasetmə əməliyyatları həyata keçirilib.

Ümumilikdə, FHN-in qüvvələri tərəfindən ötən həftə ərzində 15-i azyaşlı olmaqla 44 nəfər xilas edilib. Hadisələr zamanı 5 nəfər tüstüdən zəhərlənib, 2 nəfər xəsarət alıb, 44 nəfər təxliyə olunub.

Müxtəlif hadisələrlə əlaqədar, o cümlədən bağlı qapı və avtoqəzalar zamanı 4 nəfərin meyiti aidiyyəti üzrə təhvil verilib.