150 minlik dələduzluq: 6 il ərzində icarəyə götürdüyü avtomobilləri 70 nəfərə satdı

İcarəyə götürdüyü avtomobilləri sosial şəbəkədə beh alaraq, 6 il ərzində 70 nəfərdən 150 min lirə alan şəxs həbs edilib.

Avtosfer.az Türkiyə mətbuatına istinadən xəbər verir ki, hadisə Türkiyənin Bartın vilayətində baş verib.

İddiaya görə, O.I., başqa-başqa şəhərlərdən icarəyə götürdüyü avtomobilləri, sosial şəbəkə qruplarında və elan saytlarından, özünü vasitəçi kimi təqdim edərək satışa çıxarıb.

O, aşağı qiymətə satışa çıxardığı maşınlar üçün, beh alıb öz hesabına köçürülməsini istəyib.

Pulu alan O.I., sonra paylaşdığı şəkilləri, əlaqə və hesab nömrələrini dəyişdirib.

Mersin, Niğde, Mardin, Kocaeli, Aksaray və Şanlıurfa vilayətlərindən təxminən 70 nəfərə qarşı 150 min lirə dələduzluq etdiyi məlum olunan O.I., daxil olan şikayətlərdən sonra, Bartın vilayət Polis Şöbəsi əməkdaşlarının əməliyyat tədbirləri nəticəsində tutulub.

Həbs edilən O.I.-nın evində və avtomobilində aparılan axtarışlar zamanı, istifadə etdiyi noutbukdan, flaş kartından bank sənədləri və bank kartları aşkarlanıb.

O, məhkəməyə çıxarılaraq həbs edilib.

Namiq