18 yaşlı oğlan dostunun avtomobilində zarafatın qurbanı oldu – VİDEO

Türkiyədə hərəkətdə olan avtomobilin yük yerində əyləşən 18 yaşlı oğlan zarafatın qurbanı olub. Avtosfer.az a24.az-a istinadən xəbər verir ki, hadisə ölkənin Osmaniyyə vilayətində baş verib. Belə ki, 2000-ci il təvəllüdlü Fatih Mehmet dostunun idarə etdiyi avtomobilin yük yerində əyləşib. Sürücünün magistral yolda avtomobili zarafat məqsədi ilə yüksək sürətlə idarə etməsi baqajda əyləşən Fatihin maşından düşərək asfalt yola yıxılması ilə nəticələnib. Ağır kəllə-beyin travması alan F.Mehmet elə sürücü dostu vasitəsilə xəstəxanaya yerləşdirilib. Həkimlərin səyinə baxmayaraq onun həyatını xilas etmək mümkün olmayıb.