23 yaşlı qız yoxa çıxıb - Bakıda

Bakıda gənc qızın itkin düşməsi ilə bağlı polisə müraciət daxil olub. Avtosfer.az xəbər verir ki, Xətai rayon Polis İdarəsinə müraciət edən 1970-ci il təvəllüdlü Zöhrə Həsənova qızının itkin düşməsi ilə bağlı məlumat verib. O bildirib ki, 1996-cı il təvəllüdlü qızı Leyla (ad şərtidir) yanvarın 7-də saat 21 radələrində evi tərk edib və bir daha geri qayıtmayıb. Qadın qızının xarakterik əlamətlərini və fotosunu polisə təqdim edib. Axtarış tədbirləri həyata keçirilir.