“28 May”da cibgirlik edən şəxs yaxalanıb

Metropolitendə Polis Şöbəsi əməkdaşlarının operativliyi sayəsində ictimai nəqliyyatda cibgirlik edən şəxslər saxlanılıb. Metropolitendə Polis Şöbəsinə müraciət edən Kürdəmir rayon sakini Q.Əzizova mayın 4-də metronun “28 May” stansiyasının platformasında çantasından içərisində pulu, bankomat kartları və sənədləri olan pulqabısının oğurlandığını bildirmişdir.

DİN Mətbuat Xidmətindən Avtosfer.az-a verilən məlumata görə, müraciətlə əlaqədar dərhal müvafiq araşdırmalar aparılmış və qısa müddətdə bu cinayət əməlini törədən şəxs müəyyən edilərək, Metropolitendə Polis Şöbəsi və Binəqədi Rayon Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində Sumqayıt şəhər sakini, əvvəllər narkotiklərlə bağlı cinayətə görə məhkum olunmuş E.Hüseynov saxlanılıb.

Faktla bağlı araşdırma aparılır.

Namiq