30 saniyəyə 154 güzəştli mənzil satıldı - VİDEO
Gündəm
29 Aprel 2019 23:51
Oxunub 780
Satış prosesini dövlət qurumlarınının nümayəndələri yerli və xarici ekspertlər izləyiblər
Mənzil İnşaatı Dövlət Agentliyinin Yasamal Yaşayış Kompleksindəki mənzillərinin növbəti satışı həyata keçirilib.
Avtosfer.Az-ın məlumatına görə, kompleksin 6-7 saylı binaları üzrə 22 mənzil, həmçinin 8 və 9 saylı binalarında yerləşən 132 mənzil satışa çıxarılıb.
Satışa çıxarılan 154 mənzilin seçimi "Elektron hökumət" portalı üzərindən "Güzəştli mənzil" elektron sistemi vasitəsilə bərabər şəraitdə etibarlı və fasiləsiz iş rejimində həyata keçirilib. Satış başlanılan vaxta qədər "Güzəştli mənzil" sistemində elektron kabinet əldə etmiş şəxslərin sayı 11003 nəfər olub.Bunlardan yalnız 4624 nəfəri seçim prosesində iştirak edib. Satış prosesini dövlət qurumlarınının nümayəndələri yerli və xarici ekspertlər izləyiblər.
Mənzil alanların əksəriyyəti ilk yarım dəqiqə ərzində seçim edə biliblər.
MİDA Yasamal Yaşayış Kompleksi üzrə növbəti satış barədə də əlavə məlumat verəcək.
Avtosfer.Az mövzu ilə bağlı daha ətraflı videomaterialı təqdim edir:
ŞƏRH YAZ
DİGƏR XƏBƏRLƏR
