38 yaşlı qadın intihara cəhd edib - Zaqatalada

Zaqatalada 38 yaşlı qadın intihara cəhd edib. Avtosfer.az-ın “Report”a istinadən məlumatına görə, hadisə rayonun Lahıc kəndində baş verib. Kənd sakini, 1981-ci il təvəllüdlü Gülşən Muxtar qızı Balabəyeva yaşadığı ünvanda ailə münaqişəsi zəmnində intihar etmək məqsədi ilə bir-neçə dərman qəbul edib. G. Balabəyeva yaxınlarının köməkliyi ilə Zaqatala Rayon Mərkəzi Xəstəxanasına aparılıb.

Xəstəxanadan bildirilib ki, həkim müdaxiləsindən sonra G. Balabəyevanın vəziyyəti stabilləşib, müalicəsi Reanimasiya şöbəsində aparılır.

Faktla bağlı araşdırma aparılır.