5 mənzili qarət edən şəxslər saxlanılıb - FOTO

Abşeron rayonunda işlədiyi evləri dostu ilə birgə qarət edən usta saxlanılıb. Avtosfer.az-ın "Report"a istinadən məlumatına görə, hadisə rayonun Fatmayı kəndində baş verib.

Belə ki, kənddə yeni tikilən evlərdən oğurluq edilməsi barədə Mehdiabad Polis bölməsinə məlumat daxil olub.

Araşdırma zamanı həmin evlərdən birində usta işləyən, 39 yaşlı Məmməd Əliyev və onun dostu, 36 yaşlı Natiq Şükürov saxlanılıb. Onlar 5 mənzildən müxtəlif tikinti materialları oğurladıqlarını etiraf ediblər.

Saxlanılan şəxslər əvvəlcə oğurladıqları tikinti materiallarını Natiq Şükürovun mənzilinə gətirib sonra satışını həyata keçiriblər.

Faktla bağlı Abşeron rayon Polis idarəsində cinayət işi başlanılıb, araşdırmalar davam etdirilir.