6 yaşlı oğlan özünü güllələyib

Cənubi Floridada 6 yaşlı oğlan evdə valideynlərinə məxsus silahı təsadüfən aşkar edib və həmin silahdan özünə atəş açıb. Mayami-Qardens polisinin mətbuat katibi Karolin Freyzerin sözlərinə görə, oğlan tapançadan öz başına atəş açıb. Avtosfer.az Azərtac-a istinadən xəbər verir ki, uşaq Mayamidəki Cekson Memorial Xəstəxanasına çatdırılıb, lakin onu xilas etmək mümkün olmayıb.

Florida ştatının qanunlarına görə, odlu silahı qutuda və ya konteynerdə təhlükəsiz vəziyyətdə saxlaya bilməmək yüngül cinayət hesab edilir. Beləliklə, həmin oğlanın valideynlərini cinayət məsuliyyətinə cəlb edə bilərlər.