66 yaşlı kişi pilləkəndən yıxılaraq ölüb - Şəkidə

Şəki rayonunda 66 yaşlı kişi bədbəxt hadisə nəticəsində ölüb. Avtosfer.az-ın “Report”a istinadən məlumatına görə, hadisə bu gün günorta saatlarında Şəki şəhəri, Sabit Rəhman küçəsində yerləşən fərdi yaşayış evlərinin birində qeydə alınıb.

Belə ki, 1953-cü il təvəllüdlü Rafiq Məmməd oğlu Mustafayev yaşadığı evin pilləkənindən yıxılaraq aldığı ağır xəsarətlərdən hadisə yerində ölüb. Meyit müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Şəki rayon şöbəsinə təhvil verilib.

Faktla bağlı araşdırma aparılır.