8 saat içində 4 nəfər arxadan bıçaqlandı

İngiltərənin paytaxtı Londonun şimalında yerləşən Edmonton bölgəsində, şənbə gecəsindən bazar günü səhərə qədər - 8 saat ərzində 4 nəfər fərqli yerlərdə yalnız gəzdikləri zaman arxadan bıçaqlanıblar.

Avtosfer.az yerli mətbuata istinadən xəbər verir ki, polis ilk hücumun yerli saatla 19.00-da meydana gəldiyini, 45 yaşlarında bir qadının Aberdeen yolunda tək gəzdiyi əsnada arxasından bıçaqlandığı və vəziyyətinin ağır olduğunu bildirib.

İkinci hücum isə bazar səhəri 03.55-də baş verib. 23 yaşında bir gənc, metro stansiyasında bıçaqlanmış halda tapılıb.

Üçüncü hücum, ilk hücumun baş verdiyi əraziyə yaxın bir yerdə meydana gəlib. Qurbanın kimliyi barədə hələlik məlumat verilməyib.

Sonuncu qurban isə 22 yaşlı daha bir gənc olub.

Həmin gənc Vualthamstouv bölgəsindəki Penrhyn küçəsində kürəyindən bıçaqlanıb.

Yaralılar qısa müddət ərzində xəstəxanaya yerləşdirilblər.

Xəstəxanadan bildiriblər ki, 3 nəfərin vəziyəti stabil, 45 yaşlı qadının isə ağırdır.

Polis vətəndaşlara diqqətli olmalarını tövsiyyə edib. Yerli saatla 15.00-da baş verən hücumda şübhəli bilinən şəxsin həbs edildiyini və digərlərinin də axtarışlarının davam etdiyini bildirib.

Bundan əlavə, yaralananların bir-biri ilə əlaqəsinin yoxluğunu, həmçinin hadisənin də terror hücumu olmadığını açıqlayıb.

Namiq