91 saylı avtobusun vurduğu velosipedçi xəstəxanada ölüb

Bakıda avtobusla vurulan velosipedçi xəstəxanada ölüb. Avtosfer.az-ın ONA-ya istinadən məlumatına görə, mayın 28-də paytaxtın Binəqədi rayonu, Biləcəri qəsəbəsində 91 saylı xətt avtobusu ilə vurulan velosipedçi, 21 yaşlı Mirsamir Əsədullayev aldığ xəsarətlərdən ötən gün Klinik Tibbi Mərkəzdə dünyasını dəyişib. Qeyd edək ki, məlum hadisə mayın 28-də Binəqədi rayonu, Biləcəri qəsəbəsində qeydə alınıb. 21 yaşlı Mirsamir Əsədullayev velosiped sürərkən onu 91 saylı xətt marşrutu üzrə hərəkət edən sərnişin avtobusu vurub. Ağır açıq kəllə-beyin travması alan M.Əsədullayev xəstəxanaya çatdırılıb.