Abbas: “Tək mən deyil, 100-dən çox sərnişin olub”

Əməkdar artist Abbas Bağırov sosial şəbəkədə Bakı-Gəncə sürət qatarında yaranan nasazlıq barədə açıqlama yayıb. Avtosfer.az qafqazinfo-ya istinadən xəbər verir ki, o, VİP vaqondan foto paylaşaraq qatarın tez bir zamanda yola düşdüyünü qeyd edib. Abbas bildirib ki, bunu böyük bir problem hesab etmir: "Əziz dostlar, Bakıya sağ-salamat gəlib çatmışam. Xəbər başlıqları yazanda bir az diqqətli olaq, çünki məndən başqa qatarda 100-dən çox sərnişin olub. Narahat olmayın, qatar 7 saat yox, 7 dəqiqə ləngidi və bu, böyük bir problem deyil. Öz avtomobilimizdə belə uzaq yol gedərkən müəyyən ləngimələr olur. Əsas sağlıq olsun, böyük problemlər olmasın".

Qeyd edək ki, şənbə günü yeni istifadəyə verilən Bakı-Gəncə sürət qatarı Kürdəmir ərazisində yolda dayanıb. Hadisə elektrik xətlərində baş verən nasazlığa görə yaranıb. Sözügedən qatarda əməkdar artist Abbas Bağırov da olub.