ABŞ-da "Boeing 737 MAX" təyyarəsi təcili eniş edib

ABŞ-da "Boeing 737 MAX" təyyarəsi təcili eniş edib. Avtosfer.az "Report"a istinadən xəbər verir ki, bu barədə ölkənin Mülki Aviasiya İdarəsi məlumat yayıb. Məlumata görə, hadisə Floridada, Orlando hava limanında qeydə alınıb. Hadisəyə səbəb təyyarənin mühərrikində yaranmış problem olub. İndoneziya və Efiopiyada baş verən dəhşətli aviaqəzalardan sonra bu modifikasiya təyyarələrinə sərnişinlə uçmaq qadağan olunub. Eksperlər aviaqəzaların baş verməsində mühərriklərin nasazlığından yox, xəbərdarlıq sistemində çatışmazlıqların olmasından şübhələnirlər.