Abşeronda zirzəmidən kişi meyiti tapılıb

Abşeron rayonunda zirzəmidən naməlum kişi meyiti tapılıb. Avtosfer.az-ın "Report"a istinadən məlumatına görə, Xırdalan şəhərində yaşayış binalarının birinin zirzəmisində bir nəfərin meyitinin olması barədə hüquq-mühafisə orqanlarına məlumat daxil olub. Polis əraziyə baxış keçirib. Nəticədə təxminən, 40-45 yaşlarında olan kişi meyiti tapılıb. Şəxsin kimliyi hələlik məlum deyil. Meyitin üzərində heç bir zorakılıq əlaməti aşkarlanmayıb. Faktla bağlı Abşeron rayon Prokurorluğunda araşdırma aparılır.