“Aeroflot” gələn aydan yanacaq ödənişlərini artıracaq

Rusiyanın “Aeroflot” dövlət təyyarə şirkəti gələn aydan həm daxili, həm də MDB ölkələri və Gürcüstana uçuşlarının yanacaq ödənişlərini artıracaq. Avtosfer.az “Report”a istinadən xəbər verir ki, bu addım Moskva və Sankt-Peterburq hava limanlarından Azərbaycan da daxil olmaqla bir sıra MDB ölkələrinə uçuşlara şamil olunur. Belə ki, yanacaq ödənişlərinin məbləği 1080 rubldan 1449 rubladək artırılır.

Qeyd edək ki, 2018-ci ildə “Aeroflot”un mənfəəti dördqat azalaraq 5,7 milyard rubl təşkil etmişdi. Belə ki, əməliyyat məsrəfləri daşımalardan əldə olunan gəliri üstələmişdi. Bunun əsas səbəbi kimi şirkət yanacağın bahalaşmasını göstərib.