Aeroportda içində 210 min dollar olan çantanı oğurladı, avtovağzalda yaxalandı

Moskvanın “Vnukova” aeroportunda içində 210 min dollar olan çantanı oğurlayan şəxs yaxalanıb. Avtosfer.az yerli mətbuata istinadən xəbər verir ki, Kalininqrad sakini hava limanında polis əməkdaşlarına yaxınlaşaraq, ona məxsus içərisində 210 min dollar olan çantanın oğurlandığını deyib. Bu barədə Rusiyanın DİN-nin saytı məlumat yayıb.

Məlumatda, zərərçəkənin uçuş zamanı havada tanış olduğu və tanımadığı bir şəxs tərəfindən dələduzluq yolu ilə çantasının əlindən alındığını və təyyarənin enişi zamanı onun naməlum istiqamətə gedərək gizləndiyi deyilir.

Polis əməkdaşlarının keçirdikləri əməliyyat-axtarış tədbirləri nəticəsində 26 yaşlı İrkutsk şəhər sakini şübhəli qismində Moskva Beynəlxalq Avtovağzalında saxlanılıb.

O, ilkin dindirmə zamanı törətdiyi hadisəni etiraf edib.

Ona dələduzluq maddəsi ilə cinayət işi açılıb.

Namiq