Aeroportda teleskopik keçid avadanlığı çöküb

Şənbə günü axşam ABŞ-ın Merilend ştatının Baltimor-Vaşinqton Beynəlxalq Hava Limanının teleskopik keçid avadanlığının döşəməsi çöküb. Nəticədə 6 nəfər xəsarət alıb. Avtosfer.az “Report”a istinadən xəbər verir ki, bu barədə hava limanının "Twitter" səhifəsi məlumat yayıb. "E-10 çıxışında teleskopik keçid avadanlığının işində nasazlıq yaranıb. İlkin məlumata görə, altı nəfər yerli xəstəxanalara aparılıb. Onların xəsarətləri həyatları üçün təhlükəli deyil", - deyə məlumatda bildirilir.