Ağcabədi sakinindən 2 kiloqrama yaxın narkotik maddə aşkarlanıb

Ağcabədi rayon sakinindən narkotik maddə aşkarlanıb. Bu barədə Avtosfer.az-a DİN Mətbuat Xidmətindən məlumat verilib. Məlumatda bildirilib ki, Ağcabədi Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat tədbirləri nəticəsində üzərində qanunsuz olaraq narkotik daşımaqda şübhəli bilinən Hindarx qəsəbə sakini X.Əsədov saxlanılıb. Şəxsin üzərində axtarış zamanı ondan narkotik vasitə olan heroin aşkar edilib.

Davam etdirilən əməliyyat-axtarış tədbirləri ilə onun yaşadığı evdən çəkisi 1 kiloqram 660 qram marixuana da aşkar edilərək götürülmüşdür.

Faktla bağlı araşdırma aparılır.