Ağcabədidə piyadanın ölümünə səbəb olan sürücü saxlanılıb

Ağcabədi rayonunda piyada qadını vurub öldürən sürücü saxlanılıb. Avtosfer.az-ın "Report"a istinadən verdiyi məlumata görə, ötən gün rayonun Hindarx qəsəbəsində baş verən yol qəzasında 65 yaşlı Gülsüm Əsədovanın ölümünə səbəb olan sürücü hadisədən sonra ərazidən uzaqlaşsa da, polis əməkdaşları tərəfindən saxlanılıb. Məlum olub ki, hadisəni törədən şəxs "VAZ-2106" markalı avtomobillin sürücüsü Allahverdiyev Cəmaləddin İlham oğludur.

C.Allahverdiyev istintaqa cəlb olunub. Faktla bağlı rayon polis şöbəsində cinayət işi başlanaraq araşdırma aparılır.