Ağdam sakinini elektrik cərəyanı vuraraq öldürüb

Ağdam rayonunda bədbəxt hadisə baş verib. Avtosfer.az-ın "Report"a istinadən verdiyi məlumata görə, hadisə Eyvazlı kəndində qeydə alınıb. Rayon sakini, 47 yaşlı Zahid Nağıyev elektrik transformatorunda təmir-bərpa işləri apararkən cərəyan onu vurub. O, xəstəxanaya çatdırılsa da, həkimlər Z.Nağıyevin həyatını xilas edə bilməyib. Qeyd edək ki, Z.Nağıyev Ağdam rayon Sukanal İdarəsinin işçisi olub. Faktla bağlı rayon prokurorluğunda araşdırma aparılır.