Ağdamda qəza nəticəsində avtomobildə sıxılıb qalan şəxs xilas edildi

Ağdam rayonunun İmamqulubəyli qəsəbəsində “Opel” markalı minik avtomobilin ağaca çırpılması nəticəsində 1 nəfər köməksiz vəziyyətdə qalıb. FHN-dən Avtosfer.az-a verilən məlumata görə, hadisə yerinə cəlb olunan Qarabağ Regional Mərkəzinin xilasediciləri vətəndaşı deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər. Əməliyyat başa çatıb.