Ağdaşda yeniyetmələrə tütün məmulatları satan şəxslər cərimələnib

Ağdaş rayonunda yeniyetmələrə tütün məmulatları satan şəxslər cərimələnib. Bu barədə Şirvan bürosuna DİN-in Mətbuat xidmətinin Şəki regional qrupundan Avtosfer.az-a məlumat verilib. Belə ki, Ağdaş rayon Polis şöbəsi əməkdaşları tərəfindən aparılan müşahidələr zamanı rayon ərazisində yeniyetmələrə tütün məmulatları satan bir neçə mağaza və köşk aşkar edilib. Faktlarla bağlı həmin obyektlərin sahibləri - rayon sakinləri Əfqan Cəfərov, Elvin Əhmədov, Nizami Osmanov, Teymur Müzəffərov, Əfiqə Vəliyeva, Samir Qaffarov və Yunis Əliyev barəsində İnzibati Xətalar Məcəlləsinin 455.2-ci maddəsi (Etil (yeyinti) spirti, alkoqollu içkilər və ya tütün məmulatı ticarəti qaydalarının pozulması) ilə protokol tərtib olunub və onlar qanunvericiliyin tələblərinə uyğun olaraq cərimə ediliblər.