Altı nəhəng yaxta Türkiyə sahillərində lövbər saldı - Rusiyalı milyarderlər Bodrumu seçdi

Rusiyalı milyarderlərə məxsus altı lüks yaxta Türkiyənin Bodrum kurort şəhəri yaxınlığında lövbər salıb. Avtosfer.az "Ölkə.az"a istinadən xəbər verir ki, bu barədə "Verstka" "Telegram" kanalı məlumat yayıb. Məlumata görə, hazırda Türkiyənin cənub və cənub-qərb sahillərində Roman Abramoviç, Oleq Deripaska, VTB-nin rəhbəri Andrey Kostin və "Lukoyl"un təsisçisi Vahid Ələkbərova məxsus gəmilər yerləşir. Həmçinin, yaxınlıqda gümüş və qızıl hasilatı ilə məşğul olan "Polymetal" şirkətinin təsisçisi Aleksandr Nesisin və Ural Dağ-Mədən Metallurgiya Şirkətinin həmtəsisçisi və prezidenti İsgəndər Mahmudovun yaxtaları da var.