Avtobus sürücüsü bıçaqlanıb - Sumqayıtda

Sumqayıtda bıçaqlanma hadisəsi baş verib. Avtosfer.az-ın ONA-ya istinadən məlumatına görə, hadisə şəhərin 8-ci mikrorayon ərazisində qeydə alınıb. Şəhərdə fəaliyyət göstərən 9 nömrəli marşrut avtobusunun sürücüsü, 1968-ci il təvəllüdlü Kazım Kazımov nəqliyyat vasitəsini qaraja təhvil verdikdən sonra naməlum şəxs onu bıçaqlayıb. O, ağır bədən xəsarətləri ilə xəstəxanaya yerləşdirilib. Faktla bağlı araşdırma aparılır.